當季Slides 涼鞋絕對是最有潛力變成長青款式的潮流單品

上次出完個post之後，有啲朋友仔PM我問，可唔可以俾啲貼士佢哋買到有潛質變成長青產品既當季流行產品？好啦，今次搵咗一個鞋款可以同你哋分享下我嘅經驗點解會有機會可以成為「襟興產品」？

呢對鞋好適合春夏著，其實都唔係一個好特別嘅款！一些大品牌例如，Hermes每年都已經出緊唔同顏色。亦都有其他品牌每年都會出少少呢個款，但係一般人都唔係太留意或者會成為他們首選。

今年呢，反而好多大品牌全部都出曬呢個款，其實好易Carry, 好易著，同時都好舒適。而且可以Mix and match好多造型。尤其是近幾年輕嘅休閒自在風格。

係啦，就係呢對一好似好普通嘅涼鞋, 有啲品牌叫做sandal, 有啲叫做mules. 我覺得叫做slides比較適合易明白。 如果有買開Hermes呢款嘅slides 都應該知道佢每年都會出好多新嘅顏色。當然個風格一般都比較高貴、斯文。但係今年幾個大品牌都已經出咗好多唔同嘅款式。有休閒帆布、有窩釘型格、有金屬扣、bling bling扣、等等。

因為呢個款式比較易carry， 只要你揀啱適合你衣櫥風格嘅款式咁就可以變成長青產品！更加唔會着一季就唔興。至於買乜品牌最好就睇大家有幾多budget... 一般大品牌Chloe, Loewe, Chanel, Hermes 和 Dior, 最少要$4000-9000, fast fashion 低至$200也有！不過，個人覺得如果可以變成長青產品可以買貴一些，品質更好、可以著更耐，唔會過季就丟咗又做多一件時尚垃圾。

如果budget 有限，可以留意幾個中至中上價嘅簡約品牌 Ancient Greek Sandals, Definery , Mystique, 或若unique design 嘅Alexander Birman, Aquazzura, Toga Pulla 和 BOYY.

希望可以幫佢哋揀到一啲有機會變成長青產品嘅當季產品啦！下次再分享過、拜拜！

(Image Resources: Matchesfashion.com, Shopbop.com, Chanel.com, Hermes.com and Dior.com)